14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Սահմանադրությունը այսօր չի խախտվել. Լիլիթ Մակունց. ՏԵՍԱՆՅՈՒԹ
Քաղաքականություն
20.05.2019 | 13:39
Ազգային ժողովի «Իմ քայլը» խմբակցության ղեկավար Լիլիթ Մակունցը, որը ներկա էր Կառավարությունում Նիկոլ Փաշինյանի հետ խորհրդակցությանը, լրագրողների հետ զրույցում մանրամասներ ներկայացրեց Կառավարությունում տեղի ունեցած փակ հանդիպումից։
Ըստ Մակունցի՝ քննարկվել է դատաիրավական համակարգում հեղափոխական փոփոխությունների ներդրման հարցը։
«Այդ փոփոխությունները, սակայն, առանձին չպետք է կատարվեն, դրանք պետք է համադրվեն Կառավարության և Ազգային ժողովի հետ»,-ասաց Մակունցը։
Անդրադառնալով վարչապետի այն հայտարարությանը, որ ԱԺ-ում պետք է քննիչ հանձնաժողով ստեղծվի՝ ապրիլյան պատերազմի հետ կապված մի շարք հարցերի պատասխանելու համար, Մակունցը նշեց, որ պետաիրավական հանձնաժողովն այդ հարցն ընդունել է ի գիտություն։
Հարցին՝ արդյոք այսօրվա հավաքներով երկրում Սահմանադրություն չի խախտվել, Ազգային ժողովի «Իմ քայլը» խմբակցության ղեկավարը պատասխանեց՝ ոչ։
«Սահմանադրական կարգը չի խախտվել, և այն, ինչ տեղի ունեցավ մի քանի ժամ, բխում էր հեղափոխական տրամադրություններից»,- ասաց նա։
Մանրամասները՝ տեսանյութում։
