Քաղաքականություն
20.05.2019 | 12:28Երբ ասում ենք Սահմանադրական կարգի տապալում, դա չի ենթադրում, որ մենք խոսում ենք այն մասին, թե 10 մարդ մահացել է, թե՝ ոչ, կամ մենք սիրում ենք այս մարդուն, թե՝ ոչ․ սահմանադրական կարգի տապալումն իրենից ենթադրում է, որ գործող Սահմանադրությանը հակասող քայլեր են արվում իշխանության ճյուղերից մեկի կամ մի քանիսի կողմից։
Այս մասին այսօր լրագրողների հետ զրույցում ասաց ԵՄ շենքի դիմաց բողոքի ակցիա իրականացնող Blognews.am-ի գլխավոր խմբագիր Կոնստանտին Տեր-Նակալյանը։
Անդրադառնալով նախագահ Արմեն Սարգսյանի այն հայտարարությանը, որ ժողովուրդը տեր է կանգնում իր իշխանության ճյուղերից մեկին, Նակալյանը նկատեց․ «Դե նախագահը, որ երեխաների հետ պաղպաղակ չի ուտում, տարբեր անբովանդակ հայտարարություններ է անում։ Ինչ ասել է ժողովուրդ․ ՀՀ ցանկացած քաղաքացի, ունի իրավունք ինքնաարտահայտման քաղաքական գործողությունների՝ օրենքի շրջանակում՝ անկախ նրանից, ինքը Նիկոլի աջակիցն է, թե՝ չէ․ Նիկոլի գծած սահմաններով ստացվում է, որ եթե դու իրեն չես աջակցում, դու ժողովուրդը չես․ ես Նիկոլից անձամբ ավելի շատ բան ունեմ էս երկրի համար արած․ սկսած պարտադիր ժամկետային ծառայություն անցնելու փաստից, իսկ հիմա ինքն ինձ ինչպե՞ս է կտրում իմ ժողովդից»։
Պատասխանեով հարցին՝ ինչո՞ւ են ակցիան իրականացնում ԵՄ գրասենյակի դիմաց, Նակալյանը նշեց․
«Եվրամիությունը հանդիսանում է Հայաստանում պետական հեղաշրջման գլխավոր հովանավորը»։
Մանրամասները՝ տեսանյութում։
