07.03.2026 | 19:37
Ինչ իրավիճակ է ճանապարհներին
ԲԴԽ արտահերթ նիստն ավարտվեց․ վաղը վարչապետի մոտ խորհրդակցություն կկայանա. ՏԵՍԱՆՅՈՒԹ
Քաղաքականություն
19.05.2019 | 23:26
Քիչ առաջ ավարտվեց ԲԴԽ արտահերթ նիստը, որից հետո Խորհրդի անդամ Լիպարիտ Մելիքջանյանը լրագրողների հետ զրույցում հայտնեց, որ վաղը՝ ժամը 12:00-ին, վարչապետի մոտ խորհրդակցություն կլինի և ԲԴԽ-ն իր դիրքորոշումը կհայտնի։
Ճշտող հարցին, թե դատարավորներն ասում են՝ պետք է գնան աշխատանքի, նա արձագանքեց. «Իհարկե, պետք է գնան»: Հարցին, թե արդյոք Նիկոլ Փաշինյանի գրառումը՝ դատարաններն արգելափակելու վերաբերյալ, ճնշում չէ, նա պատասխանեց, որ ինքը գնալու է աշխատանքի, ապա հավելեց, որ կաշկանդված չէ, բայց չի ցանկանում մեկնաբանել․ «Ես իմ աշխատանքային ժամին գալու եմ ԲԴԽ: Նախօրոք չեմ ուզում գծագրել, թե ինչ տեղի կունենա: Նիկոլ Փաշինյանը դատաիրավական համակարգի ներկայացուցիչների հետ վաղը նիստ է հրավիրել, ես չգիտեմ՝ հեղափոխության 2-րդ շրջանն ինչպես է մեկնարկելու, եթե չգիտեմ, ինչպես մեկնաբանեմ»,-հավելեց նա:
Factor.am-ը ԲԴԽ անդամից հետաքրքրվեց, արդյոք հեղափոխության երկրորդ փուլում ԲԴԽ նախագահ Գագիկ Հարությունյանը չպետք է հրաժարական տա: « Այդ հարցը ուղղեք պարոն Հարությունյանին»,- արձագանքեց Լիպարիտ Մելիքջանյանը։
Նարեկ Կիրակոսյան
