22.05.2026 | 09:39
ԱԺ ԿԳՄՍ, երիտասարդության և սպորտի հարցերի հանձնաժողովի նիստը՝ ՈՒՂԻՂ
Հիշեցնում եմ՝ երկիրը ունի ղեկավար ու դա Արմեն Սարգսյանն է. Արփինե Հովհաննիսյան
Քաղաքականություն
19.05.2019 | 22:07
Ազգային ժողովի նախկին փոխնախագահ, Հանրապետական կուսակցությանը իր անդամակցությունը կասեցրած Արփինե Հովհաննիսյանը ֆեյսբուքյան գրառում է կատարել, անդրադառնալով Նիկոլ Փաշինյանի կոչին:
«Հիշեցնում եմ՝ երկիրը ունի ղեկավար ու դա Արմեն Սարգսյանն է։ Սա Սահմանադրության համապատասխան հոդվածն է՝ ինչ պիտի անի նախագահը։ Հոկտեմբերի 2-ին բան չարեց, տեսնենք հիմա ինչ կանի։
ՀՀ Սահմանադրություն
Հոդված 123. Հանրապետության նախագահի կարգավիճակը և գործառույթները
Հանրապետության նախագահը պետության գլուխն է:
Հանրապետության նախագահը հետևում է Սահմանադրության պահպանմանը:
Հանրապետության նախագահն իր լիազորություններն իրականացնելիս անաչառ է և առաջնորդվում է բացառապես համապետական և համազգային շահերով:
Հանրապետության նախագահն իր գործառույթներն իրականացնում է Սահմանադրությամբ սահմանված լիազորությունների միջոցով»,- գրել է նա:
