08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Թուրքական բանտից փախած պոլսահայ մտավորական Սևան Նիշանյանը ՀՀ քաղաքացիություն է ստացել
Հասարակություն
17.05.2019 | 14:23
Պոլսահայ գրող, լրագրող և լեզվաբան Սևան Նիշանյանն Facebook-ում և Twiiter-ում գրառում է արել՝ տեղեկացնելով Հայաստանի Հանրապետության քաղաքացու անձնագիր ստանալու մասին:
«Հայաստանի Հանրապետության անձնագիրս այսօր Աթենքի դեսպանատանը կազմակերպված համեստ արարողությամբ հարգելի Դեսպան Պարոն Ֆադեյ Չարչօղլյանից ստացա:
Մեկ անգամ ևս հպարտություն զգացի, որ մաս եմ կազմում աշխատասեր և խաղաղասեր մի ազգի: Այն ազգի, որը պատմության ընթացքում կանգուն է մնացել լոկ իր աշխատանքի շնորհիվ:
Շնորհակալություն եմ հայտնում նախ Հայաստանի վարչապետ Նիկոլ Փաշինյանին, ապա նաև բոլոր նրանց, ովքեր նպաստել են, որ արժանանամ այս պատվին»։
Հիշեցնենք, որ ազատախոհ մտավորականը հայտնի է իր հեղինակած «Սխալ հանրապետություն» գրքով, որով խստորեն քննադատում էր թուրքական պետությանը: Նիշանյանը Թուրքիայում ենթարկվել է քաղաքական հետապնդումների:
Ապօրինի շինարարություն իրականացնելու շինծու մեղադրանքով դատպարտվել էր 17 տարվա ազատազրկման։ 3.5 տարի բանտում անցկացնելուց հետո նրան հաջողվել էր փախուստի դիմել և ապաստան գտնել Հունաստանում։ Այժմ Սևան Նիշանյանը ապրում է Հունաստանում և վերջերս նաև ամուսնացել է։
