11.10.2026 | 15:59
Վթարային ջրանջատում Մալաթիա-Սեբաստիա և Էրեբունի վարչական շրջաններում
«Իմ աչքի առաջ կրակեցին շների վրա»․ կենդանասերները պահանջում են քրեականացնել կենդանիների խոշտանգումները. ՏԵՍԱՆՅՈՒԹ
Հասարակություն
16.05.2019 | 15:31
Մի խումբ քաղաքացիներ Ազատության հրապարակում այսօր բողոքի ակցիա անցկացրին՝ պահանջելով քրեականացնել կենդանիների նկատմամբ բռնությունն ու խոշտանգումները։
Նրանք միաձայն պնդում էին՝ երբ կենդանիների նկատմամբ բռնություն է գործադրվում, ապա չկա որևէ պետական կառույց, որը կարող է զբաղվել այդ հարցով։
«Շատ երկրներում կենդանիների նկատմամբ բռնությունը քրեականացված է, վաղուց ժամանակն է, որ Հայաստանում էլ մարդիկ պատիժ կրեն կենդանիներին խոշտանգելու համար»,- ասաց ակցիայի մասնակիցներից մեկը։
Ակցիային մասնակցում էր նաև ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը, որը նշեց, որ իրենց խմբակցությունը կենդանիների նկատմամբ բռնությունը քրեականացնող օրինագիծ են մշակել, որը թեև արժանացել է կառավարության հավանությանը, սակայն Արդարադատության նախարարությունը ևս առաջարկներ է ներկայացրել՝ խնդրին համակարգային լուծում տալու համար։
«Մենք պատրաստ են կառավարության հետ քննարկել նախագիծը, որովհետև խնդիրն օր առաջ լուծելու կարիք կա»,- լրագրողների հետ զրույցում ասաց պատգամավորը։
Մանրամասները՝ տեսանյութում։
Շողիկ Գալստյան
