29.12.2025 | 10:53
Մանկապարտեզի գործունեությունը ժամանակավորապես դադարեցվելու է․ Տիգրան Ավինյանի որոշումը
Եթե Արևմուտքն ընդուներ մեր առաջարկները, ապա ԼՂ և մերձդնեստրյան հակամարտությունները վաղուց կարգավորված կլինեին. Լավրով
Քաղաքականություն
01.09.2017 | 20:21
Ռուսաստանը պատասխանատու երկիր է, որը հստակ հավատարիմ է մնում այն համաձայնագրերին, որոնք ընդունվել են վերջին 20 տարվա ընթացքում Եվրոպայի անվտանգության և համագործակցության կազմակերպությունում և Ռուսաստան-ՆԱՏՕ Խորհրդում, հայտարարել է ՌԴ արտաքին քաղաքական գերատեսչության ղեկավար Սերգեյ Լավրովը՝ ելույթ ունենալով Մոսկվայի միջազգային հարաբերությունների պետական ինստիտուտի ուսանողների և դասախոսների առջև, հայտնում է ТАСС-ը:
«Այդ համաձայնագրերում զետեղված են կողմերի ցանկությունը՝ Եվրաատլանտյան կազմակերպությունում և Եվրասիայում ձևավորել գործընկերության համար հավասար անվտանգության տարածք, նաև երաշխիքներ, որ մեզանից ոչ ոք չի ուժեղացնի իր անվտանգությունը մյուսների անվտանգության հաժվին», – նշել է նա:
Միևնույն ժամանակ, Լավրովը ափսոսանք է հայտնել, որ այդ համաձայնագրերը «այդպես էլ թղթի վրա են մնացել»:
«Դրանք իրավաբանորեն պարտադիր դարձնելու մեր բոլոր փորձերը արևմտյան գործընկերների կողմից մերժվել են, – նշել է նա: – Ես վստահ եմ՝ եթե անբաժան հավասար անվտանգությունը ստանար իրավաբանական պարտադիր ձևակերպում, ապա շատ հակամարտություններ, որոնք այսօր Եվրոպայում պահպանվում են, վաղուց կարգավորված կլինեին»:
ԱԳՆ ղեկավարի կարծիքով դա վերաբերում է նաև ղարաբաղյան և մերձդնեստրյան հակամարտություններին: «Իսկ ուկրաինական ճգնաժամն ի սկզբանե չէր լինի», – իր խոսքն ավարտել է նա:
