11.07.2026 | 23:11
Լինդա Նոսկովան՝ «Ուիմբլդոնի» չեմպիոն. ՏԵՍԱՆՅՈՒԹ
Հայաստանի և Դանիայի միջև կրկնակի հարկումը կբացառվի․ Կառավարությունը նախագիծը հաստատեց
Քաղաքականություն
16.05.2019 | 13:41
ՀՀ կառավարությունը մայիսի 16-ի նիստում հավանություն տվեց «Հայաստանի Հանրապետության և Դանիայի Թագավորության միջև՝ եկամուտների և գույքի կրկնակի հարկումը բացառելու և հարկումից խուսափելը կանխելու մասին» կոնվենցիան վավերացնելու մասին» նախագծին:
Ըստ ֆինանսների նախարար Ատոմ Ջանջուղազյանի ՝ նախագծի ընդունումը պայմանավորված է «Հայաստանի Հանրապետության և Դանիայի Թագավորության միջև՝ եկամուտների և գույքի կրկնակի հարկումը բացառելու և հարկումից խուսափելը կանխելու մասին» կոնվենցիայի վավերացման անհրաժեշտությամբ, իսկ այդ կոնվեցիան ստորագրվել է 2018 թվականի մարտի 14-ին:
Այս Կոնվեցիայով սահմանվում է պետությունների միջև եկամուտների ստացման երկրում հիմնական եկամտատեսակների` շահաբաժինների, տոկոսների, ռոյալթիների հարկման պայմանները և դրույքաչափերը:
Ֆինանսաների նախարարի խոսքով՝ Հայաստանը 46 երկրի հետ ունի նմանատիպ համաձայնագրեր, ևս 15-ը գտնվում են գործընթացում:
