02.07.2026 | 14:34
770 դրամ ելակի, 275 դրամ լոլիկի և 400 դրամ չերի լոլիկի յուրաքանչյուր կգ-ի արտահանման համար
Կանոններ են սահմանվել. ԱՆ-ն տեղեկացնում է Եգիպտոս մեկնող ՀՀ քաղաքացիներին՝ անձնական օգտագործման դեղեր տանելու պահանջի մասին
Հասարակություն
15.05.2019 | 17:23
Առողջապահության նախարարությունը հաղորդագրություն է տարածել Եգիպտոս մեկնողների համար` անձնական օգտագործման դեղեր տանելու Եգիպտոսի կառավարության պահանջի մասին:
«Եգիպտոս մեկնող մեր համաքաղաքացիներին տեղեկացնում ենք, որ անձնական օգտագործման դեղեր տանելու համար անհրաժեշտ է հետևել որոշ կանոնների, որոնք սահմանել է Եգիպտոսի կառավարությունը:
Թմրամիջոցների, հոգեմետ (հոգեներգործուն) դեղերի և դրանց պրեկուրսորների մուտքը Եգիպտոս խստիվ արգելվում է, իսկ որոշ դեղերի համար պահանջվում է թույլտվություն. պարտադիր է, որպեսզի առաջնային փաթեթավորումն ամբողջական լինի և հստակ երևա դեղի բաղադրությունը:
Երկիր մուտք գործելիս ցանկացած անձնական օգտագործման դեղ ստուգվում է Եգիպտոսի մաքսային բաժնի տեսուչների կողմից:
Միաժամանակ, ներկայումս օգտագործվող դեղերի մեծ մասը հասանելի են Եգիպտոսի դեղատներում և բժշկական հաստատություններում»,- ասված է հաղորդագրությունում:
