16.01.2026 | 13:10
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
Կոչ կանեի, որ «կամերաների» առաջ հնչեցված հայտարարությունները համապատասխանեին առանց «կամերաների» արվող հավաստիացումներին. Արարատ Միրզոյանը՝ Վիտալի Բալասանյանին. ՏԵՍԱՆՅՈՒԹ
Քաղաքականություն
15.05.2019 | 14:40
«Հասկանում եմ, որ Արցախում մեկնարկել է նախընտրական շրջանը, բայց կառաջարկեի, որ մեր գործընկներն առաջ չընկնեին իրադարձություններից»,- լրագրողների հետ ճեպազրույցում ասաց ՀՀ Ազգային ժողովի նախագահ Արարատ Միրզոյանը՝ Factor.am-ի հարցին ի պատասխան անդրադառնալով Արցախի Անվտանգության խորհրդի քարտուղար Վիտալի Բալասանյանի հայտարարությանը:
«Ընդհանրապես այս և պարոն Բալասանյանի մնացած հայտարարությունների մասով կոչ կանեի, որ կամերաների առաջ հնչեցված հայտարարությունները համապատասխան լինեին առանց կամերաների արվող հավաստիացումներին: Այսքանը թերևս: Թույլ տվեք այլևս գայթակղությանը չտրվել», – ասաց Միրզոյանը։
Արցախի ԱԺ նախագահն էլ ընդգծեց, որ Արցախի և Հայաստանի հարաբերություններում սրացում չկա: Աշոտ Ղուլյանի խոսքով՝ բնական է, որ աշխատանքային հարցերում կարող են լինել տարաձայնություններ, մինչդեռ դա չի կարող նսեմացնել երկկողմ հարաբերությունները:
«Կարևոր է, որ մենք հասկանանք, որ մարդիկ կարող են ունենալ մասնավոր կարծիքներ: Սա էլ է մեր նոր ժամանակների արդյունքը, երբ ամեն մարդ ազատ է՝ իր տեսակետը ներկայացնելու, բայց դրա համար նաև հետևանքներ էլ կան»,- ասաց Աշոտ Ղուլյանը:
Մանրամասները՝ տեսանյութում։
Շողիկ Գալստյան
