Քաղաքականություն
15.05.2019 | 14:02ՀՀ 7-րդ գումարման Ազգային ժողովի հետ ծանոթության փուլը կարելի է անցած համարել, հիմա գործնական աշխատանքների փուլն է։ Այս մասին այսօր խորհրդարանում ամփոփելով Հայաստանի և Արցախի խորհրդարանների միջև համագործակցության միջխորհրդարանական հանձնաժողովի նիստի աշխատանքները՝ ԱԺ նախագահ Արարտ Միրզոյանի հետ համատեղ ճեպազրույցում հայտարարեց Արցախի Հանրապետության ԱԺ նախագահ Աշոտ Ղուլյանը:
«Գործնական աշխատանքների իմաստով այսօրվա մեր նիստն ու հանդիպումը ցույց տվեց այն ճանապարհը, թե որ ուղղությամբ ենք մենք գնալու», – շեշտեց Ղուլյանը։
ՀՀ ԱԺ նախագահ Արարատ Միրզոյանն էլ իր հերթին նշեց, որ գոհ է հանդիպման արդյունքներից ու մեծ բավականություն է ստացել քննարկումներից. «Որովհետև շատ լուրջ մտքեր հնչեցին և այժմ մեր խորդհրդարանականները առավել հստակ պատկերացումներ ունեն, թե ինչպիսի շեշտադրումներ պետք է արվեն բազմաթիվ միջազգային հարթակներում»։
Մանրամասները՝ տեսանյութում։
Շողիկ Գալստյան
