16.01.2026 | 21:00
ՔՆՆԱՐԿՈՒՄ․ Թրամփի ուղին մտնում է գործնական փուլ․ իրագործելի՞ է ՀՀ-ԱՄՆ մեգանախագիծը. ՏԵՍԱՆՅՈՒԹ
Չեմ կարծում որևէ հետք թողնի. Հայկ Խանումյանը՝ Արցախի 2 նախագահների երաշխավորագրի մերժման հետևանքների մասին. ՏԵՍԱՆՅՈՒԹ
Քաղաքականություն
15.05.2019 | 13:15
Արցախի ԱԺ «Վերածնունդ» խմբակցության ղեկավար Հայկ Խանումյանը դժվարանում է ասել Արցախի գործող նախագահ Բակո Սահակյանն ու նախկին նախագահ Արկադի Ղուկասյանը կգա՞ն արդյոք դատարան՝ միջնորդությունը ներկայացնելու, թե՝ ոչ։
Հիշեցնենք՝ Արցախի ներկա և նախկին նախագահները երաշխավորել են, որ Ռոբերտ Քոչարյանն ազատության մեջ չի խոչընդոտի գործի քննությանը, չի խուսափի վարույթն իրականացնող մարմնին ներկայանալուց և չի կատարի Քրեական օրենսգրքով չթույլատրվող արարք։
Դատավոր Դավիթ Գրիգորյանը երեկ տեղեկացրեց, որ երաշխավորող անձինք պետք է ներկայանան դատարան։ «Որևէ արտառոց բան չկա իրենց քայլերում, թիմակիցներ են։ Դատական պրոցես է գնում, պետք է աշխատենք հնարավորինս չեզոք հետևել։ Կա քաղաքական կամք գործը բացահայտելու»,- Factor.am-ի հետ զրույցում ասաց Խանումյանը՝ նշելով, որ Քոչարյանի նկատմամբ քաղաքական հետապնդում չի իրականացվում։
Ըստ Արցախի ընդդիմադիր պատգամավորի՝ եթե անգամ Բակո Սահակյանի և Արկադի Ղուկասյանի երաշխավորագիրը մերժվի, ապա դա որևէ հետևանք չի ունենա։
Մանրամասները՝ տեսանյութում։
Շողիկ Գալստյան
