02.07.2026 | 12:16
ՀՀ-ն կդառնա ԵՄ անդամության կարգավիճակ չունեցող առաջին երկիրը, որի նկատմամբ ԵՄ-ն կկիրառի այս գործիքը․ Փաշինյան․ ՏԵՍԱՆՅՈՒԹ
Հայտնի է Կոնսերվատորիայի ուսանողների ինքնաբացարկ հայտնելու պատճառը՝ ռեկտորի ընտրություններից առաջ. ՏԵՍԱՆՅՈՒԹ
Հասարակություն
14.05.2019 | 12:54
Մեկնարկել են Երևանի Կոմիտասի անվան պետական կոնսերվատորիայի ռեկտորի ընտրությունները: Թեկնածուները երկուսն են՝ պրոռեկտոր Վաղարշակ Հարությունյանը և ռեկտորի ժամանակավոր պաշտոնակատար, «Հովեր» երգչախմբի հիմնադիր Սոնա Հովհաննիսյանը:
Լրագրողները Սոնա Հովհաննիսյանից հետաքրրքվեցին՝ ճի՞շտ է, որ նա ԿԳ նախարար Արայիկ Հարությունյանի մտերիմն է, մի քանի օր առաջ էլ ուսանողներին առաջարկել է դիմում գրել, դուրս գալ հոգաբարձուների խորհրդի կազմից, որ իր նախընտրած ուսանողներն այնտեղ տեղեր ունենան:
«Ուսանողները նախորդ խորհրդին վատ էին եկել, և բնական հարց էր ծագում, որ եթե չեն ուզում այս աշխատանքներին մասնակցել, կարող են ինքնաբացարկ հայտնել: Բայց դա ես չեմ արել, ուսանողական խորհուրդն է իր ներսում նման որոշում կայացրել»,- ասաց նա:
Հարցին՝ ուսանողների կողմից աջակցություն ունի՞, Սոնա Հովհաննիսյանն առաջարկեց դուրս նայել և տեսնել իրեն սատարելու համար հավաքված մի խումբ ուսանողներին:
Վաղարշակ Հարությունյանն էլ լրագրողների հետ զրույցում նշեց, որ եթե հաղթի Սոնա Հովհաննիսյանը, կշնորհավորի նրան: «Անկախ ռեկտորի ընտրությունների ելքից՝ պատրաստ եմ առաջարկել իր համագործակցությունը՝ ինչ կարգավիճակում էլ լինեմ»,- հավելեց պրոռեկտորը:
Մանրամասները՝ տեսանյութում:
Նարեկ Կիրակոսյան
