01.11.2024 | 23:19
Հրդեհ Գյումրու տներից մեկում
Հարազատները երբեմն հրաժարվում են տանել հոգեկան առողջության խնդիր ունեցողներին. Սերգեյ Խաչատրյան. ՏԵՍԱՆՅՈՒԹ
Հասարակություն
13.05.2019 | 13:14
«Հոգեկան առողջության պահպանման ազգային կենտրոն»-ում երբեմն խնդիրներ են լինում հիվանդների դուրսգրման հետ կապված, լրագրողների հետ զրույցում ասաց կենտրոնի ղեկավար Սերգեյ Խաչատրյանը:
«Դրանք այն հիվանդներն են, որոնց մի մասը չունեն հարազատներ, չունեն վերադարձի տեղ կամ ընտանիքներ են, որոնք չեն ցանկանում նրանց հետ տանել, և այդ մարդիկ շարունակում են մնալ բուժհաստատություններում»,- ասաց Սերգեյ Խաչատրյանը:
Կենտրոնում ծանրաբեռնվածությունը 100% է. մահճակալների թիվն այստեղ 350 է, սակայն բուժում է ստանում 356 անձ: Նրանցից 110-ը հարկադիր բուժում ստացող են, 100-ը՝ խնամքի հիվանդներ, մնացածները՝ սուր հիվանդներ։ Նշենք, որ այսօր առողջապահության նախարար Արսեն Թորոսյանն իր ամփոփիչ ասուլիսն անցկացրեց «Հոգեկան առողջության պահպանման ազգային կենտրոն»-ում, որի մասնաշենքերում նաև շրջայց կատարեց։
Մանրամասները՝ տեսանյութում:
Ռոբերտ Անանյան
