04.08.2026 | 11:26
Արման Անտոնյանը հայտնել է ԿԳՄՍ նախարարի խորհրդականի պաշտոնից հեռանալու մասին
Հոգեկան առողջության խնդիր ունեցողներին սկսել ենք հեռախոս տալ, ապահովել զուգարանի թղթով․ Սերգեյ Խաչատրյան. ՏԵՍԱՆՅՈՒԹ
Հասարակություն
13.05.2019 | 12:59
Առողջապահության նախարարության «Հոգեկան առողջության պահպանման ազգային կենտրոնի» շահառուներն այսուհետ կկարողանան իրենց տրված հեռախոսներով ցանկացած պահի կապվել Մարդու իրավունքների պաշտպանի գրասենյակի հետ, բարձրացնել իրենց խնդիրները, նրանք կստանան նաև զուգարանի թուղթ, ինչը նախկինում խնդրում էին իրենց հարազատներից: Սննդակարգն էլ հարմարեցվել է նրանց կարիքներին․ այն ստանում են օրվա մեջ երեք անգամ։ Այս մասին, անդրադառնալով այս կենտրոնում իրականացված բարեփոխումներին, ասաց «Հոգեկան առողջության պահպանման ազգային կենտրոնի» տնօրեն Սերգեյ Խաչատրյանը՝ հավելելով, որ փոխվել է նաև կենտրոնի ամբողջ կոյուղին և սկսել է լիարժեք աշխատել կենտրոնի լաբորատորիան։
Ըստ Խաչատրյանի՝ այս պահին հիվանդանոցում բուժում է ստանում 356 հիվանդ, որոնցից 100-ը ստանում է հարկադիր բուժում՝ դատարանի որոշմամբ: Կենտրոնի տնօրենի խոսքով՝ կենտրոոնւմ գործում է նաև արտթերապիա, հիվանդները մասնակցում են երգի և պարի խմբակների, սոցիալական աշխատողները կազմակերպում են համերգներ նրանց մասնակցությամբ՝ փորձելով հիվանդների օրը կենտրոնում ավելի հետաքրքիր դարձնել։
Մանրամասները՝ տեսանյութում։
