17.12.2025 | 20:23
Նազիկ Ավդալյան․ Քաղաքականությամբ զբաղվելու նպատակ չունեմ
ՀՀ վերաքննիչ քրեական դատարանը բավարարեց 2018 թ. ապրիլյան հավաքների մասնակցի վերաքննիչ բողոքը
Հասարակություն
13.05.2019 | 11:20
Հայաստանի Հելսինկյան կոմիտեից տեղեկացնում են, որ ՀՀ վերաքննիչ քրեական դատարանը բավարարել է 2018 թ. ապրիլյան հավաքների մասնակցի վերաքննիչ բողոքը:
«2018թ․ապրիլի 13-ից մինչև ապրիլի 23-ն ընկած ժամանակահատվածում Երևանում տեղի ունեցած բազմամարդ հավաքների ընթացքում ոստիկանությունը Երևան քաղաքի տարբեր փողոցներից հավաքների մասնակիցներին բռնության ենթարկելով տեղափոխել է ՀՀ ոստիկանության տարբեր բաժանմունքներ:
Նշված դեպքի առթիվ հարուցվել են քրեական գործեր, որոնք հետագայում միավորվել են մեկ քրեական գործում և 104 անձ ճանաչվել է տուժող։ Տուժող է ճանաչվել նաև Գագիկ Բունիաթյանը՝ հաստատված համարելով այն հանգամանքը, որ ՀՀ ոստիկանության ծառայողների կողմից նրա նկատմամբ կիրառվել է բռնություն։ 2018 թվականի նոյեմբերի 16-ին քննիչը որոշում է կայացրել կասեցնել գործով վարույթը՝ մեղադրյալի անհայտ լինելու հիմքով։ Տուժողի ներկայացուցիչը կայացված որոշումը բողոքարկել է ՀՀ գլխավոր դատախազություն և առաջին ատյանի ընդհանուր իրավասության դատարան, սակայն վարույթ իրականացնող մարմնին ներկայացված բողոքները մերժվել են:
Իսկ ՀՀ վերաքննիչ քրեական դատարանը մայիսի 10-ին բավարարեց վերաքննիչ բողոքը՝ պարտավորեցնելով վարույթ իրականացնող մարմնին վերականգնել անձի խախտված իրավունքները։ Տվյալ գործով Գագիկ Բունիաթյանի շահերը ներկայացնում է «Հայաստանի Հելսինկյան կոմիտե»-ի փաստաբան Ռոբերտ Ռևազյանը»,- ասված է հաղորդագրությունում:
