10.09.2026 | 08:52
Հայտնի է Կաթողիկոսի և 6 եպիսկոպոսների գործով նիստի օրը
Հաշվետվության ակցիան արդեն բավարար էր. Ազատ Արշակյանը՝ վարչապետի ասուլիսի և ներկայացրած 100 փաստի մասին
Քաղաքականություն
10.05.2019 | 17:53
Վարչապետ Նիկոլ Փաշինյանի ասուլիսը, նախ և առաջ, հաշվետվություն էր, ինչը շատ լավ է: Այսօր լրագրողների հետ հանդիպմանը նման կարծիք հայտնեց ՀՀ Գերագույն խորհրդի նախկին պատգամավոր Ազատ Արշակյանը:
«Մենք տեսանք վարչապետի հաշվետվության ակցիան, որը ոչ միայն անցած մեկ տարվա արվածի ու չարվածի մասին էր, այլև որոշ իմաստով ուղերձ, հաջորդ անելիքների ծրագիր»,- հավելեց Ազատ Արշակյանը: Ըստ նրա՝ Հայաստանի Հանրապետության գահավիժումը, անկումը դադարեցվել է:
«Վարչապետի ներկայացրած 100 կետից բացի՝ ևս 900 կետ էլ կարող եմ ասել, որոնք ապացուցում են, որ երկրի անկումը դադարել է: Առաջին հերթին՝ հենց այս հաշվետվության ակցիան արդեն բավարար է: Վարչապետը 5 ժամ ասեց՝ հարցրեք, և պատասխանեց հարցերին»,- ասաց Արշակյանը: Անդրադառնալով ԲՀԿ առաջնորդ Գագիկ Ծառուկյանին մանդատից զրկելու պահանջին՝ նա նշեց, որ իրեն շատ ավելի մեծ պրոբլեմ է անհանգստացնում:
«Գագիկ Ծառուկյանը ղեկավարում է մի կազմակերպություն, որը հուշագիր է ստորագրել «Եդինայա Ռոսիա» կուսակցության հետ: Այն մեզ հայտնի է, նախ, նրանով, որ երբ Կոմունիստական կուսակցության երկու պատգամավորներ բարձրացրեցին Աթաթուրքի և բոլշևիկների կնքած պայմանագիրը վերանայելու հարցը, որով լիկվիդացվել էր հայկական պետությունը, «Եդինայա Ռոսիա» կուսակցությունը հանեց օրակարգից: Այսինքն՝ հայտարարեց, որ իրենց հավատարիմ են Լենինի և Աթաթուրքի՝ 1921 թվականին կնքված այդ պայմանագրին, իսկ Կոմկուսի պատգամավորներին պրովոկատոր որակեցին, որոնք սեպ են խրում ռուս-թուրքական բարեկամության մեջ: Եվ այդ կուսակցության հետ «Բարգավաճ Հայաստանը» քույր-կուսակցություն է»,- հայտարարեց Ազատ Արշակյանը:
Մանրամասները՝ տեսանյութում:
