11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Ակտիվ որսորդ եմ, բայց առաջարկում եմ Հայաստանում որսը 3-5 տարով արգելել. Արթուր Վանեցյան. ՏԵՍԱՆՅՈՒԹ
Հասարակություն
10.05.2019 | 13:58
Եկեք առհասարակ որսը 3 կամ 5 տարով արգելենք Հայաստանում, որպեսզի պոպուլյացիան վերականգվի: Կառավարության այսօրվա նիստում Քրեական օրենսգրքում փոփոխություններ կատարելու մասին, Վարչական իրավախախտումների վերաբերյալ օրենսգրքում փոփոխություններ կատարելու մասին և Բնապահպանական իրավախախտումների հետևանքով կենդանական և բուսական աշխարհին պատճառված վնասի հատուցման սակագների մասին ՀՀ օրենքում փոփոխություն կատարելու մասին օրենքների նախագծերի փաթեթի նախագծի քննարկման ժամանակ նման առաջարկով հանդես եկավ ԱԱԾ տնօրեն Արթուր Վանեցյանը:
«Ես, լինելով նախկինում շատ ակտիվ որսորդ, արդեն մոտ յոթ տարի է՝ չեմ գնացել որսի ու միշտ դրա մասին խոսում եմ: Եկեք արգելենք առհասարակ ոչ միայն որսը, այլ նաև որսորդական փամփուշտների ներմուծման ժամանակավոր արգելք սահմանենք»,- ասաց Վանեցյանը՝ հավելելով, որ անկանոն որսը, հատկապես՝ գյուղական վայրերում, անտառների հարևանությամբ շատ դժվար է վերահսկել:
Նիկոլ Փաշինյանի խոսքով՝ դրա նման ինչ-որ մի բան պետք է անել: «Գաղափարը շատ լավ, շատ ճիշտ գաղափար է, ուղղակի պետք է շատ լուրջ ուսումնասիրենք: Հիմա եթե Ձեր առաջարկն ի գիտություն ընդունենք, պետք է խնդրին բազմակողմանի նայել: Մենք պետք է հասկանանք, որ ունենք բացառիկ հարստություն, բայց, ցավոք, այդ հարստության հսկա մասը գտնվում է ոչնչացման եզրին»,- ասաց վարչապետը:
Մանրամասները՝ տեսանյութում:
Շողիկ Գալստյան
