14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Բանակում տիրող ոչ բարվոք, քրեածին վիճակի գագաթնակետը Մեղրու գնդում կատարվածն էր․ Անդրանիկ Քոչարյան․ ՏԵՍԱՆՅՈՒԹ
Քաղաքականություն
10.05.2019 | 14:55
ՀՀ գլխավոր դատախազի 2019 թվականի զեկույցից տեղեկանում ենք, որ 2018 թվականի ընթացքում քրեական պատասխանատվության է կանչվել 138 սպա, 2018 թվականին հանցագործություն կատարող զինվորականների շրջանում հանցագործություն կատարած սպաների թվի տեսակարար կշիռը կազմում է 25,7 տոկոս և միտում ունի ավելանալու, և սա այն դեպքում, երբ ՀՀ ռազմական հաստատությունները տարեկան կտրվածքով ավելի քիչ թվով սպաներ են պատրաստում։
Այս մասին այսօր խորհրդարանում, անդրադառնալով ՀՀ գլխավոր դատախազության տարեկան հաղորդման՝ զինվորական հանցագործությունների վիճակագրությանը, ասաց ԱԺ «Իմ քայլը» խմբակցության պատգամավոր Անդրանիկ Քոչարյանը։
«Հաջորդ ոլորտը՝ ինքնասպանություններն են, որոնք խաթարում են հասարակության հավատը բանակի նկատմամբ։ Ըստ Ձեր ներկայացրած թվերի՝ արձանագրվել է ինքնասպանության և ինքասպանության հասցնելու 11 դեպք, սակայն այդ ցուցանիշը տարանջատված չէ, մինդեռ մեկը դժբախտություն է, մյուսը՝ հանցագործություն։ Մենք գործ ունենք զորակոչի ընթացքում հոգեբանական խնդիրներ ունեցող նորակոչիկներին հայտնաբերելու անկարողության հետ։ Դրա հետ մեկտեղ՝ բերված թվերից հետևում է, որ ինքնասպանության կամ դրան հասցնելու թիվը չորսով գերազանցում է հակառակորդի կրակոցից մեր ունեցած կորուստների թվին՝ 2018 թ․ դրանք եղել են 7-ը»։
Ըստ Անդրանիկ Քոչարյանի՝ բանակում տիրող ոչ բարվոք, քրեածին վիճակի գագաթնակերտը Մեղրու գնդում կատարված դեպքն է։ «Դա ուներ խորքային պատճառներ, որոնք, սակայն, ստվերում մնացին ու վերաբերում են բանակում տիրող քրեածին վիճակին»,- ասաց Քոչարյանը։
Մանրամասները՝ տեսանյութում։
