03.09.2026 | 11:01
Կառավարության նիստը՝ ՈՒՂԻՂ
Ինձ վաղուց չեն խնդրում․ Արթուր Դավթյանը՝ նախկին պաշտոնյաների կողմից իրեն խնդրանքներով դիմելու մասին․ ՏԵՍԱՆՅՈՒԹ
Քաղաքականություն
10.05.2019 | 11:12
Ազգային ժողովի «Իմ քայլը» խմբակցության պատգամավոր Հայկ Կոնջորյանն այսօր ԱԺ-ում պատգամավորների հարցերին պատասխանող ՀՀ գլխավոր դատախազ Արթուր Դավթյանից հետաքրքրվեց՝ քանի որ վերջին շրջանում նախորդ իշխանության որոշ ներկայացուցիչների դեմ կոռուպցիոն հանցագործությունների վերաբերյալ մեղադրանքներ են առաջադրվել, արդյոք եղե՞լ են դեպքեր, որ նրանք խնդրեն իրեն առավել մեղմ գտնվել կամ որևէ կերպ ազդեցություն գործել հարուցված քրեական գործերի վրա՝ հաշվի առնելով այն հանգամանքը, որ ինքը գլխավոր դատախազ է նշանակվել նախորդ իշխանության կողմից։
Պատգամավորի հարցին ի պատասխան Արթուր Դավթյանն ասաց, որ վաղուց իրեն չեն խնդրում։
«Ինչ վերաբերում է նախկինների կողմից խնդրանքներին, ապա պետք է ասեմ՝ ինձ վաղուց չեն խնդրում, որովհետև մարդիկ գիտեն, որ եթե ինձ խնդրում են, դա հակառակ էֆեկտն է ունենում։ Որևէ խոչընդոտ չունեմ: Որ պահին իմ մեջ բարոյական արգելք տեսնեմ, բարոյական չեմ համարի իմ պաշտոնավարումը»,- նշեց դատախազը։
Մանրամասները՝ տեսանյութում։
