14.12.2025 | 18:20
Թաիլանդն ու Կամբոջան շարունակում են ռազմական գործողությունները
Հայաստանի նախագահը Անկախության օրվա առթիվ շնորհավորել է Իսրայելի նախագահին
Քաղաքականություն
09.05.2019 | 23:00
Նախագահ Արմեն Սարգսյանը շնորհավորական ուղերձ է հղել Իսրայելի նախագահ Ռեուվեն Ռիվլինին այդ երկրի ազգային տոնի՝ Անկախության օրվա առթիվ:
Այս մասին տեղեկացնում են Հայաստանի Հանրապետության նախագահի աշխատակազմի հասարակայնության հետ կապերի վարչությունից:
Հայաստանի նախագահն ընդգծել է Իսրայելի հետ փոխշահավետ համագործակցությունը զարգացնելու և ամրապնդելու կարևորությունը:
Արմեն Սարգսյանը Ռեուվեն Ռիվլինին մաղթել է քաջառողջություն և հաջողություն, իսկ Իսրայելի բարեկամ ժողովրդին` հարատև խաղաղություն և կայուն բարգավաճում, ասված է Հայաստանի նախագահի գրասենյակի հաղորդագրությունում:
