08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հայ-ռուսական համատեղ ռազմական շքերթով Գյումրիում նշվեց Մայիսի 9-ը. ԼՈՒՍԱՆԿԱՐՆԵՐ,ՏԵՍԱՆՅՈՒԹ
Հասարակություն
09.05.2019 | 16:16
Մայիսի 9-ի տոնական միջոցառումները Գյումրիում սկսվեցին Վարդանանց հրապարակում տեղի ունեցած հայ-ռուսական համատեղ ռազմական շքերթով։ Այն նվիրված էր Հայրենական Մեծ պատերազմում հաղթանակի 74 ու Շուշիի ազատագրման 27-ամյակներին։
Հրապարակով նախ անցան զորահանդեսի հրամանատարները, ապա սկսվեց զինվորների հանդիսավոր քայլերթը։ Մասնակցում էր մոտ 1200 զինծառայող, հայկական և ռուսական տարբեր ստորաբաժանումների զինվորներ, Հայաստանի ազգային անվտանգության ծառայության սահմանապահ զորքերի, հակատանկային զորամասերի զինծառայողներ, արտակարգ իրավիճակների նախարարության աշխատակիցներ, պատանի երկրապահներ։ Զիվորական քայլերթը եզրափակեցին Արցախյան ազատամարտի մասնակիցները։ Այնուհետ տեղի ունեցավ ռազմական տեխնիկայի ցուցադրություն։ Հիմնականում ներկայացվեց անվավոր տեխնիկա, տեղի ունեցավ նաև հայկական հատուկ ստորաբաժանման ցուցադրական ելույթը, որը ներկաներն ընդունեցին բուռն ծափերով։
Ռազմական շքերթն իրենց ներկայությամբ պատվել էին Հայրենական մշՄեծ պատերազմի Շիրակի մարզի վետերաններն ու Արցախյան ազատամարտի մարտիկները։ Ողջույնի խոսքով էլ հանդես եկան ՀՀ-ՌԴ ԶՈւ միացյալ զորախմբի հրամանատար գեներալ-մայոր Տիգրան Փարվանյանը, Գյումրիի քաղաքապետ Սամվել Բալասանյանն ու Շիրակի մարզպետ Տիգրան Պետրոսյանը։
Ի դեպ նշենք, որ տոնական զորահանդեսը երկլեզու էր ՝ հայերեն ու ռուսերեն:
