02.04.2026 | 22:24
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Արցախը մեր պատիվն է, այն պետք է ատամներով պահենք․ ԵԿՄ վարչության փոխնախագահ
Քաղաքականություն
08.05.2019 | 18:09
Արցախին երբեք չեմ նայել որպես հողակտոր։ Արցախը մեր պատիվն է, որը պետք է ատամներով պահենք։ Այս մասին այսօր հրավիրված ասուլիսի ընթացքում նշեց ԵԿՄ վարչության փոխնախագահ, «Արաբո» ջոկատի հրամանատար Մանվել Եղիազարյանը՝ անդրադառնալով Շուշիի ազատագրմանն ու Արցախի անվտանգությանը։
«Մենք գիտեինք, որ հաղթելու ենք և Շուշիի ազատագրումն ապացուցեց դա։ Եթե ժամանակին մենք միայն Արցախի անվտանգության համար էինք պայքարում, Շուշիից հետո հասկացանք որ կարելի է այնպես անել, որ այն տարածքները, որտեղ հայ գյուղացին, հայ ժողովուրդը դարեր շարունակ ապրել է, կարելի է հետ բերել», – ասաց Մանվել Եղիազարյանը։
Խոսելով արցախյան հակամարտության խաղաղ կարգավորման ՝ տարածքներ խաղաղության դիմաց ձևաչափից, Մանվել Եղիազարյանն այն դիվանագիտություն համարեց՝ ասելով, որ հնարավոր պատերազմի դեպքում ոչինչ չի մնում անել, քան զենք վերցնել և հայրենիքը պաշտպանել:
«Մենք իրավունք չունենք ասելու, որ նոր սերունդը չի պայքարելու։ Ես ձեզ վստահեցնում եմ՝ նոր սերունդն ավելի լավ է պայքարելու, քան մենք։ Դրա ապացույցը 2016 թվականի ապրիլյան պատերազմն էր»,- նշեց ԵԿՄ վարչության փոխնախագահը։
Արցախյան հակամարտության խաղաղ կարգավորման շուրջ ներկայիս զարգացումներին անդրադառնալով, Մանվել Եղիազարյանն ընդդծեց. «Ադրբեջանն աղավաղում է մեր պատմությունը։ Եթե մի ժողովուրդ զանգվածաբար սուտ է խոսում՝ առանց ամաչելու և ամեն բան ադրբեջանականացնում է, նրանց հետ այլ ճանապարհ չի մնում․ միայն ծեծել է պետք»,- ասաց հրամանատարը։
Նելլի Մելքոնյան
