28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Կառավարության ամենօրյա աշխատանքից ես էլ գոհ չեմ. Նիկոլ Փաշինյան. ՏԵՍԱՆՅՈՒԹ
Քաղաքականություն
08.05.2019 | 16:56
Հայաստանում այսօր ժողովրդավարությունն ինստիտուցիոնալ կերպով ուժեղանալու, ինստիտուցիոնալ երաշխիքներ ունենալու անհրաժեշտություն ունի, և դա մտնում է մեր առաջնահերթությունների մեջ: Վարչապետ ընտրվելու մեկ տարվա կապակցությամբ այսօր հրավիրված ասուլիսում այս մասին ասաց Նիկոլ Փաշինյանը:
Խոսելով Կառավարության հաշվետվողականության մակարդակի մասին՝ վարչապետն ասաց. «Հաշվետվողականությունը երբեք շատ չի լինում: Խնդիրներ ունենք այդ առումով, և պետք է աշխատենք իրար հետ՝ դա առավել բարձր մակարդակի հասցնելու համար»:
Ինչ վերաբերում է ժողովրդին վերաբերմունքին, ըստ վարչապետի՝ ժողովուրդը միշտ չէ, որ գոհ է Կառավարության աշխատանքից:
«Բայց դա կապ չունի վստահության հետ: Վստահություն խնդիրն ուրիշ հարց է, ամենօրյա աշխատանքի հետ կապված քննադատությունը՝ այլ: Կառավարության ամենօրյա աշխատանքից ես էլ գոհ չեմ, նախարարներն էլ գոհ չեն: Եվ կարծում եմ՝ բնական է, որ մենք մեր աշխատանքից պետք է գոհ չլինենք, պետք է փորձենք ավելի լավ աշխատել»,- հավելեց Նիկոլ Փաշինյանը:
Մանրամասները՝ տեսանյութում:
Ռոբերտ Քոչարյան
