06.08.2026 | 20:10
Picsart-ի հիմնադիր Հովհաննես Ավոյանը պարգևատրվել է «Հայրենիքին մատուցած ծառայությունների համար» 2-րդ աստիճանի շքանշանով
Այդ ո՞ր օրենքով եք առաջնորդվել, երբ սկսել եք զբաղվել Սանասարյանի քրգործի ընդհատության հարցով․ Մարուքյանը՝ Փաշինյանին․ ՏԵՍԱՆՅՈՒԹ
Քաղաքականություն
08.05.2019 | 17:27
Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանը խորհրդարանում վարչապետ Փաշինյանից հետաքրքրվեց, թե նա որ օրենքով է առաջնորդվել, երբ սկսել է զբաղվել քրեական գործերի՝ այս դեպքում՝ Դավիթ Սանասարյանի գործի ընդհատության հարցով։
Հիշեցնենք, որ այսօր Փաշինյանը հրավիրված ասուլիսում, անդրադառնալով ՊՎԾ նախկին պետ Դավիթ Սանասարյանի նկատմամբ հարուցված քրգործին, ասել էր, որ Ազգային անվտանգության ծառայության տնօրեն Արթուր Վանեցյանն իրեն մի քանի անգամ առաջարկել է գործը փոխանցել Հատուկ քննչական ծառայությանը, նաև այն պատճառով, որ ԱԱԾ-ում «նեղվում են այդ կասկածներից», որ գործի քննությունը ոչ օբյեկտիվ է, բայց ինքը դեմ է եղել:
Էդմոն Մարուքյանը վարչապետին հորդորեց իր հարցին պատասխանելիս գրոտեսկի չդիմել։
Հարցին ի պատասխան վարչապետ Փաշինյանը նշեց, որ հարցի նկատմամբ իր այդպիսի մոտեցումը ունեցել է, ոչ թե իրավական, այլ քաղաքական պատճառ։
«Առաջարկվել է, որ այդ հարցը այլ մարմին քննարկի, որպեսզի այլ շահարկումներ չլինեն։ Քրեական գործի ընթացքը ես չեմ վերահսկում և դրա վերաբերյալ ունեմ այնքան տեղեկատվություն, որքան ունի հասարակությունը, իսկ ունեցածս առավել տեղեկատվության աղբյուրը ԱԱԾ-ն չէ»,-ասաց վարչապետը։
Մանրամասները՝ տեսանյութում։
