16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
ԱԱԾ-ից փաստաթղթերը ոչ թե ոչնչացվել են, այլ իրենց տեղում չեն․ Փաշինյանը սրբագրում է իր խոսքը․ ՏԵՍԱՆՅՈՒԹ
Քաղաքականություն
08.05.2019 | 17:08
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանն այսօր ԱԺ-Կառավարություն հարցուպատասխանի ժամանակ ՀՀ վարչապետ Նիկոլ Փաշինյանից հետաքրքրվեց՝ եթե ԱԱԾ-ից կարևոր փաստաթղթեր են ոչնչացվել, ինչպես նշել է վարչապետն այսօր հրավիրված ասուլիսի ընթացքում, այդ դեպքում ինչո՞ւ քրեական գործ հարուցված չէ և ինչո՞ւ ԱԱԾ նախկին տնօրեն Գեորգի Կուտոյանը բանտում չէ։
Ի պատասխան պատգամավորի հարցին՝ վարչապետը նշեց, որ այդ փաստաթղթերի ոչնչացումը հայտնաբերել են դեռ նախորդ տարվա ամռանը։
«Քանի որ այս ընթացքում հարցադրումներ էին հնչում Կառավարության հասցեին, մասնավորապես, այն մասին, թե ինչ է՝ ԱԱԾ-ն չգիտի՞ Մարտի 1-ին ինչ է տեղի ունեցել, հասկանում ես, որ պետք է արձագանքել դրանց, դրա համար էլ որոշեցինք կատարվածի մասին բարձրաձայնել։ Ճիշտն ասած, շատ դժվար էր հավատալ, որ նման բան հնարավոր էր։ Երևի, նույնիսկ, սխալ է ասել՝ ոչնչացվել, ավելի ճիշտ կլիներ ասել՝ տեղում չեն։ ԱԱԾ-ում այդ գործով ծառայողական քննություն է իրականացվել, և հիմա եկել է մի ինչ-որ պահ, որ հրապարակային պետք է ասենք այդ մասին։ Ես չպնդեմ, բայց հավանական եմ համարում, որ փաստի առթիվ քրեական գործ կհարուցվի, իսկ թե ով բանտում կհայտնվի՝ իմ տեսակետը գիտեք»,- ասաց Փաշինյանը։
Փաշինյանը նշեց, որ իր նշած փաստաթղթերի մի մասը վերաբերում էր Մարտի 1-ին։
Մանրամասները՝ տեսանյութում։
