09.03.2026 | 20:26
Ռուբիոն հայտարարել է, որ Իրանն իր հարձակումներով «փորձում է պատանդ պահել աշխարհը»
«Մտադիր եմ միանալ ՀՀ նոր իշխանությունների դեմ պայքարող ուժերին». Ռոբերտ Քոչարյանը հարցազրույցը Reuters-ին
Քաղաքականություն
08.05.2019 | 11:56
ՀՀ երկրորդ նախագահ Ռոբերտ Քոչարյանը, որն այժմ կալանավորված է, Reuters-ին տված հարցազրույցում պատմել է, որ առաջիկայում ՀՀ-ում ընդդիմադիր հզոր ուժերը Հայաստանի նոր ղեկավարությանը մարտահրավեր են նետելու, և որ ինքը լիահույս է, որ կմիանա այդ պայքարին:
«Հայաստանում այժմ հայտնվում են նոր քաղաքական գործիչներ և ընդդիմադիր կուսակցություններ։ Այս գործընթացը, անկասկած, կհանգեցնի հզոր քաղաքական ուժի ստեղծման, որը կարող է շատ արագ իշխանություններին մարտահրավեր նետել»,- ասել է նա:
Հարցին՝ ինքն անձամբ կներգրավվի՞ այդ ընդդիմության մեջ, նախկին նախագահը դրական է պատասխանել. «Այո, իհարկե»։ Նա, սակայն, չի մանրամասնել, թե դա ինչ տեսքով կլինի իր մասնակցությունը:
Խոսելով անցած տարի երկրում ծավալված բողոքի զանգվածային ցույցերի մասին՝ Քոչարյանը հայտնել է, որ դրանց պատճառը հասարակության շրջանում կուտակված դժգոհություններն ու փոփոխության ձգտումն են եղել՝ ընդգծելով, որ այստեղ խոսքը հեղափոխության մասին չէ:
«Ես դա հեղափոխություն չէի անվանի, քանի որ երկրում ընդհանուր առմամբ ոչինչ չի փոխվել՝ հասարակության շրջանում մեծ ագրեսիայի, իսկ իշխանության շրջանում պոպուլիզմի և դիլետանտիզմի ի հայտ գալուց բացի»,- ասել է ՀՀ 2-րդ նախագահը:
