11.12.2024 | 21:17
Հակոբ Ասլանյանը փոշմանել է, բայց արդեն ուշ է․ նա հեռացվեց ՔՊ-ից
Մենք ռազմավարական գլոբալ, անշրջելի սխալներ, թու-թու-թու, չենք թույլ տվել․ Նիկոլ Փաշինյան. ՏԵՍԱՆՅՈՒԹ
Քաղաքականություն
08.05.2019 | 14:26
Ամենօրյա սխալներ եղել են և կլինեն, իսկ ռազմավարական սխալներ, իմ կարծիքով, թույլ չենք տվել: Վարչապետ ընտրվելու մեկ տարվա կապակցությամբ այսօր հրավիրված ասուլիսում ասաց Նիկոլ Փաշինյանը՝ պատասխանելով Կառավարության բացթողումների և սխալների մասին Factor.am-ի հարցին:
«Բացթողումների վերաբերյալ՝ 62 մլրդ-ի գերակատարում ենք ունենալու, լավ կլիներ՝ 162 մլրդ-ի ունենայինք: 120 մլրդ ենք վերադարձրել, որը պարտքի 90 տոկոսն է, լավ կլիներ՝ 100 տոկոսը վերադարձրած լինեինք, էդ տակի պոչը մնացած չլիներ… Իսկ անուղղելի ռազմավարական սխալներ, իմ կարծիքով, չենք ունեցել: Եթե ինչ-որ տեղ սխալվել ենք, հաջորդ պահին շանս ենք ունեցել այդ սխալն ուղղել կամ հիմա կարող ենք ուղղել: Բայց ռազմավարական գլոբալ, անշրջելի սխալներ, թու-թու-թու, դեռ թույլ չենք տվել»,- հավելեց վարչապետը:
Նա կարծում է, որ նման ռազմավարական սխալներ թույլ էլ չեն տա. «Որովհետև այդ կարգի սխալի ամենամեծ աղբյուրը չարամտությունն է: Եթե հանկարծ ներգրավվենք կոռուպցիայի մեջ, դա կլինի անշրջելի սխալ, որը նույնիսկ ուղղել չի լինի: Եվ քանի որ չարամտություն չկա, կարծում եմ՝ մեր սխալները կլինեն կառավարելիության տիրույթում»:
Մանրամասները՝ տեսանյութում:
Ռոբերտ Անանյան
