09.06.2026 | 12:43
Թրամփը հայտարարել է, որ Իրանի հետ գործարքը կարող է կնքվել «երկու կամ երեք օրից»
Ինչո՞ւ պիտի բացահայտվի ԱԱԾ գործակալական ցանցը․ Նիկոլ Փաշինյան. ՏԵՍԱՆՅՈՒԹ
Քաղաքականություն
08.05.2019 | 13:24
Լյուստրացիան ո՞րն է, եթե նկատի ունեք խորհրդային Պետանվտանգության կոմիտեի հետ համագործակցած անձանց ցուցակը, ես ձեզ ասում եմ, որ ԱԱԾ-ում փաստաթղթերի, արխիվի մեծ մասը ոչնչացված է, դուք լյուստրացիա եք ասում: Եթե նկատի ունեք Հայաստանի ԱԱԾ գործակալական ցանցը, բայց ինչի՞ համար դա պետք է բացահայտվի: Այսօր հրավիրված ասուլիսի ժամանակ լրագրողի հարցին ի պատասխան՝ ասաց վարչապետ Նիկոլ Փաշինյանը:
«Ի՞նչ նկատի ունեք՝ լյուստրացիա ասելով: Լյուստրացիա եղել է Արևելյան Եվրոպայի երկրներում, երբ իրենք սկզբունք են դրել, որ, օրինակ, Շտազիի հետ համագործակցած անձինք չեն կարող զբաղեցնել պետական պաշտոններ և այլն, և այսպես շարունակ: Հիմա ասենք՝ լյուստրացիա։ Հայաստանի Հանրապետությունում այսօր կա՞ ինֆորմացիա՝ ովքե՞ր են եղել խորհրդային Պետական անվտանգության կոմիտեի գործակալներ։ Ես խիստ կասկածում եմ, որ այդպիսի տվյալ կա»,- հավելեց նա:
Ինչ վերաբերում է ԱԱԾ քաղաքական գործակալների ցանկին, ըստ վարչապետի՝ այն, ըստ ամենայնի, ոչնչացրել են նախկին իշխանությունները. «Հայաստանի Ազգային անվտանգության ծառայության գործակալների ցանկը հրապարակվի՞: Ինչի՞ հրապարակվի: Նախ, ասեմ, որ քաղաքական գործակալների ցանկը, ըստ ամենայնի, նախկին կառավարության ներկայացուցիչները հեռանալուց առաջ ոչնչացրել են»:
Մանրամասները՝ տեսանյութում:
Ռոբերտ Անանյան
