09.06.2026 | 16:14
Ինչ նպատակով է Ծառուկյանը ցանկացել մեկնել երկրից․ պարզաբանում է խոսնակը
Բաժնի պետ աշխատող ազգականներից մինչև 38 հազար դոլար և 5 մլն դրամ․ Արզուման Հարությունյանը հայտարարագիր է ներկայացրել
Հասարակություն
06.05.2019 | 14:46
1996 թվականից Ազգային անվտանգության համակարգում նախ որպես ԱԱԾ Երևանի քաղաքային վարչության պետ, իսկ 2010 թվականից մինչև այսօր ԱԱԾ տնօրենի տեղակալ աշխատող Արզուման Հարությունյանը Բարձրաստիճան պաշտոնատար անձանց էթիկայի հանձնաժողով է ներկայացրել իր տարեկան հայտարարագիրը։
Հարությունյանը 2019 թվականի իր տարեկան հայտարարագրում նշել է իր հետ արյունակցական կապի մեջ գտնվող և պաշտոն զբաղեցնող երկու ազգականի անուն. բաժնի պետ՝ (գերատեչության անունը նշված չէ, խմբ․) եղբոր որդի էդուարդ Հարությունյան և դարձյալ բաժնի պետ՝ (գերատեչության անունը նշված չէ, խմբ)․ քրոջ որդի Տիգրան Մնացականյան անուն ազգանուններով։
ԱԱԾ տնօրենի տեղակալը հայտարարատու տարում անշարժ գույք, փոխառություններ, ներդրումներ, թանկարժեք գույք չի հայտարարագրել․ փոխարենը ներկայացրել է իր դրամական միջոցների չափը՝ 5 մլն 500 հազար դրամ և 38 հազար ԱՄՆ դոլար, իսկ պաշտոնյայի աշխատանքի վարձատրության կամ դրան հավասարեցված այլ վճարումները կազմել են 7 մլն 562 հազար դրամ։
Նշենք, որ Արզուման Հարությունյանի՝ 2018 թվականի տարեկան հայտարարագրում էլ նույն պատկերն է՝ բացառությամբ աշխատանքի վարձրատրության դիմաց ստացած դրամական միջոցների չափի, որը կազմել է 7 մլն 287 հազար դրամ։
Հիշեցնենք, որ Արզուման Հարությունյանը Սահմանադրական դատարանի նախկին նախագահ, ներկայումս ԲԴԽ նախագահ Գագիկ Հարությունյանի եղբայրն է և նախկին վարչապետ Կարեն Կարապետյանի փեսա Հայկ Հարությունյանի հայրը։
Աղավնի Սուքիասյան
