Քաղաքականություն
06.05.2019 | 12:19
Նախնական տվյալներով՝«Շերեմետևո» օդանավակայանում Մոսկվա-Մուրմանսկ չվերթն իրականացնող SSJ-100 ուղևորատար ինքնաթիռի հրդեհից ազգությամբ հայեր և ՀՀ քաղաքացիներ չեն եղել։ Այս մասին Factor.am-ի հետ զրույցում ասաց ՀՀ ԱԳՆ մամուլի քարտուղար Աննա Նաղդալյանը:
Հիշեցնենք, որ Մոսկվա-Մուրմանսկ չվերթն իրականացնող SSJ-100 ուղևորատար ինքնաթիռում հրդեհ էր բռնկվել «Շերեմետևո» օդանավակայանում վթարային վայրէջք կատարելու պահին։
Անձակազմի երեք անդամների հաջողվել է օգնություն ցուցաբերել ուղևորներին։ Ինքնաթիռի այրվելու հետևանքով զոհվել է 41 մարդ։
Աղավնի Սուքիասյան
