14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
ՌԴ ԱԳՆ-ն հայտնել է ԱՄՆ-ի հետ հարաբերությունների կարգավորման պայմանը
Քաղաքականություն
09.05.2017 | 11:42
Երկու երկրների հարաբերությունների կարգավորման համար անհրաժեշտ է ԱՄՆ նախկին նախագահ Բարաք Օբամայի իշխանության տարիներին ստեղծված խոչընդոտները վերացնել, օրինակ՝ ԱՄՆ-ում ՌԴ դիվանագիտական անշարժ գույքի բռնագրավումը․ այս մասին հայտարարել է ՌԴ փոխարտգործնախարար Սերգեյ Ռյաբկովն ԱՄՆ պետքարտուղարի տեղակալ Թոմաս Շենոնի հետ զրույցում՝ հայտնում է «ՌԻԱ Նովոստի»-ն:
«Հանգամանալից զրույց է կայացել: Ռուսական կողմն ընդգծել է, որ հարաբերությունների կարգավորման համար պահանջվում է վերացնել մի շարք խոչընդոտներ, որոնք ստեղծվել են Օբամայի վարչակազմի օրոք»,- ասված է հաղորդագրությունում։
Նշվում է, որ ԱՄՆ նախկին նախագահ Բարաք Օբամայի վարչակազմը 2016 թվականի դեկտեմբերի վերջին պատժամիջոցներ է սահմանել ռուսական 9 հաստատության, ընկերությունների և ֆիզիկական անձանց դեմ՝ «ընտրություններին միջամտության» և Ռուսաստանում աշխատող «ամերիկացի դիվանագետների վրա ճնշում գործադրելու» համար:
