16.01.2026 | 15:26
«Ուրարտուի» սանը մահացել է 18 տարեկանում
2019 թ․ առաջին եռամսյակում ունենք 6․5 տոկոս տնտեսական ակտիվության ցուցանիշ
Տնտեսություն
03.05.2019 | 12:04
Տնտեսական զարգացման և ներդրումների նախարար Տիգրան Խաչատրյանն այսօր հրավիրված մամուլի ասուլիսի ժամանակ ամփոփեց 2019 թվականի առաջին 4 ամիսների տնտեսական ցուցանիշները։
Ըստ նախարարի՝ նախորդ շաբաթ Վիճակագրական կոմիտեն հրապարակել է 2019 թվականի 3 ամիսների ամփոփ մակրոտնտեսական ցուանիշները, ըստ որոնց, ունենք 6․5 տոկոս տնտեսական ակտիվության ցուցանիշ։
«6․5 տոկոսանոց այդ տնտեսական ակտիվության ցուցանիշի վրա ազդել է արդյունաբերական արտադրանքի ծավալի աճը՝ 2,5 տոկոսով, ծառայությունների աճը՝ 17․3 տոկոսով, որը բարձր է նախորդ տարիների նույն ժամանակահատվածի ցուցանիշներից։ Ֆինանսական ծառայությունների՝ բանկերի, վարկային կազմակերպությունների և զբոսաշրջային ծառայությունների աճ ևս արձանագրվել է։ Բարձ ցուցանիշ է արձանագրել ներքին առևտրաշրջանառությունը՝ 10 տոկոսով, որը նախորդ տարիների հետ համեմատած համադրելի ցուցանիշ է։ Շինարարության աճը նախորդ տարվա նույն ժամանակահատվածի համեմատ կազմել է 10․8 տոկոս, գյուղատնտեսությունն ունեցել է նույն ծավալը, ինչ 2018 թվականի նույն ժամանակահատվածում, արտահանումը կրճատվել է 8,6 տոկոսով, ներմուծման ծավալները ևս կրճատվել են 3,1 տոկոսով»,- այս տարվա առաջին եռամսյակի տնտեսական ակտիվության ցուցանիշները ներկայացրեց նախարար Խաչատրյանը՝ նշելով, որ խոշոր նվազում է արձանագրվել հատկապես լեռնահանքային և խտանյութերի արտահանման ոլորտում։
Տնտեսական զարգացման և ներդրումների նախարար Տիգրան Խաչատրյանի խոսքով՝ էլեկտրաէներգիայի ծավալների արտահանման հարցում ևս կա նվազում նախորդ տարվա առաջին եռամսյակի համեմատ, ինչը, սակայն, սեզոնային բնույթ է կրում։
Ըստ նախարարի՝ նվազում է արձանագրվել սիգարետի, ալյումինի փայլաթիթեղի արտահանման ցուցանիշներում։
