28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Էդուարդ Աղաջանյանը՝ իրեն ՊՎԾ ղեկավար նշանակելու լուրերի մասին.Արմենպրես
Քաղաքականություն
02.05.2019 | 22:27
Վարչապետի աշխատակազմի ղեկավար Էդուարդ Աղաջանյանը բացարձակ սուտ է որակում Պետական վերահսկողական ծառայության ղեկավարի պաշտոնը ստանձնելու մասին լուրերը: Այդ մասին Աղաջանյանը նշեց Քաղաքացիական պայմանագիր կուսակցության խորհրդի նիստից հետո լրագրողների հետ զրույցում:
«Բացարձակ սուտ է, որևէ կերպ չի համապատասխանում իրականությանը; Նման բան չի քննարկվում, որևէ հիմք չկա նման քննարկման համար»,- «Արմենպրես»-ի հաղորդմամբ, ասաց Աղաջանյանը:
«Մամուլում վերջին շրջանում բազմաբովանդակ տեղեկատվություն է շրջանառվում, խորհուրդ կտամ տեղեկատվական այդ տարափին մեծ կարևորություն չտալ: Կարծում եմ՝ ակնհայտ է, որ ուղղորդված կոնկրետ լրատվամիջոցներ կոնկրետ պատվեր են կատարում»,- ասաց նա:
Նրա խոսքով՝ ՊՎԾ-ի հետ կապված շրջանառվում է տեղեկատվություն, թե ներկայիս պաշտոնակատար Արգիշտի Քյարամյանն ինչ-որ կապեր ունի: «Ես այդ մարդուն երբևէ մինչև վերջերս չեմ էլ տեսել: ՊՎԾ-ում նշանակումների հասցեատերը վարչապետն է»,- ընդգծեց վարչապետի աշխատակազմի ղեկավարը:
