08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
8 տարում աշխատանքից 80 աշխատակից է հեռացրել. Կենդանաբանական այգու նախկին աշխատակիցը՝ տնօրենի մասին. ՏԵՍԱՆՅՈՒԹ
Հասարակություն
01.05.2019 | 11:26
Չեմ հասկանում՝ ինչ է մտածում քաղաքապետարանը, որ նման մարդուն որպես տնօրեն է պահում։ Այս մասին Երևանի կենդանաբանական այգու տնօրեն Ռուբեն Խաչատրյանի հրաժարականի պահանջով բողոքի ակցիայի ընթացքում նշեց այգու նախկին աշխատակից Մանուկ Մանուկյանը։
«Տնօրենը, մասնագետ չլինելով, հրամաններ է կատարում։ Չի հասկանում կենդանիներից ու բնությունից»,- նշեց Մանուկ Մանուկյանը։
Նրա պնդմամբ՝ Ռուբեն Խաչատրյանն աշխատանքային առաջին տարուց ի վեր այգուց հեռացնում է փորձառու մասնագետների, քանի որ նրանց հետ լեզու չի գտնում։ «8 տարվա ընթացքում 80 աշխատակից է հեռացրել»,- ընդգծեց այգու նախկին աշխատակիցը։
Հիշեցնենք, որ Երևանի կենդանաբանական այգու նախկին աշխատակիցներն այգու մուտքի մոտ բողոքի ակցիա են իրականացնում՝ այգու տնօրեն Ռուբեն Խաչատրյանի հրաժարականի պահանջով: Այգու նախկին աշխատակիցները, նույն պահանջով, նախկինում արդեն մի քանի բողոքի ակցիա են իրականացրել: Դրանցից վերջինը ապրիլի 12-ին էր: Նրանք պնդում էին, որ 2011թ.-ից առ այսօր` տնօրեն նշանակվելուց ի վեր, Խաչատրյանն այգին տանում է կործանման։
Մանրամասները՝ տեսանյութում:
Նելլի Մելքոնյան
