12.01.2025 | 17:36
Դատական իշխանության հեղինակության բարձրացման ուղղությամբ բավականին անելիք ունեն հենց իրենք դատավորները․ ԲԴԽ նախագահ
Քաշելով 167 տոննայանոց ջերմաքարշը՝ վանաձորցին դարձել է Գինեսի ռեկորդակիր. ՏԵՍԱՆՅՈՒԹ
29.04.2019 | 20:17
Այսօր վանաձորցի Նարեկ Եգանյանը Գինեսի ռեկորդ է սահմանել: Գերազանցելով ռուս ռեկորդակրի ցուցանիշը՝ 167 տոննա քաշով ջերմաքարշը երիտասարդը քաշել է 2 կցորդով, «Նախկին ռեկորդակրին, որ տեսա, դուրս եկավ, ես էլ որոշեցի փորձեմ: Մարդու ուժին սահմաններ չկա, փորձեցի և ստացվեց»:
Նարեկի մոտ ռեկորդ սահմանելու միտքն առաջացել է 5 ամիս առաջ, երբ սկսել է հետևել նախկին ռեկորդակիր Իվան Սաֆկինի գործունեությանը:
«Սաֆկինի ռեկորդը գերազանցել եմ 5 տոննայով: Փորձելու եմ նոր ռեկորդներ սահմանել: Ես չեմ ձգտում ֆինանսական հաջողությունների, ինձ համար կարևորն այն է, որ Ռուսաստանում ռեկորդ է սահմանվել, և այն տեղափոխում եմ Հայաստան՝ գողտրիկ Վանաձոր»,- ասում է Նարեկը:
Երիտասարդը սպորտով է զբաղվում արդեն 23 տարի: Ուժային եռամարտ, ծանրամարտ, ըմբշամարտ, սրանք այն սպորտաձևերն են, որոնցով Նարեկը զբաղվում է 5 տարեկանից՝ գրանցելով մի շարք հաջողություններ: Ասում է՝ այս համաշխարհային ռեկորդով իր կյանքում ու սպորտային կարիերայում նոր փուլ է սկսվում: «Նախկին հաջողություններս չեմ հաշվում, ամենամեծ ձեռքբերումս այս ռեկորդն է, որից էլ կսկսեմ նոր ձեռբերումներս»:
Մանրամասները՝ տեսանյութում:
Տաթևիկ Ղազարյան
