Տեսանյութեր
29.04.2019 | 16:16ԱԺ «Բարգավաճ Հայաստան» խմբակցության պատգամավոր Սերգեյ Բագրատյանը խորհրդարանում Factor.am-ի հարցին ի պատասխան՝ հրաժարվեց մեկնաբանել Վայոց ձորում տեղի ունեցած աղմկահարույց միջադեպը:
«Մեկնաբանություն չունեմ»,- ասաց Բագրատյանը։
Նշենք, որ միջադեպի փաստով ոստիկանության Եղեգնաձորի բաժնում նյութեր են նախապատրաստվում, որոնք ՀՀ գլխավոր դատախազն այսօր ուղարկելու է Հատուկ քննչական ծառայություն: Ավելի վաղ հայտնի դարձավ, որ ապրիլի 27-ին Եղեգնաձորում Քաղաքացու օրվան նվիրված միջոցառման ժամանակ ծեծկռտուք է տեղի ունեցել:
Ոստիկանության Եղեգնաձորի բաժին ահազանգ է ստացվել Վայք քաղաքի բնակիչ 38-ամյա Ռազմիկ Տոնոյանի կողմից, որը հայտնել է, որ նույն օրը ժամը 16:30-ի սահմանում Եղեգնաձորի Շահումյան փողոցում Քաղաքացու օրվան նվիրված միջոցառման ժամանակ իրեն են մոտեցել Երևանի բնակիչ, 56-ամյա Սերգեյ Բագրատյանը և Վայոց ձորի մարզի Եղեգիս գյուղի բնակիչ, 50-ամյա Արմեն Սեդրակյանը, որոնք անհարգալից վերաբերմունք են ցուցաբերել հասարակության նկատմամբ, իր հասցեին հնչեցրել են սեռական բնույթի հայհոյանքներ, անվայել արտահայտություններ, վիրավորել, փորձել են հարձակվել իր վրա և հարվածել:
Մանրամասները՝ տեսանյութում:
Շողիկ Գալստյան
