08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Խուլերի մշակույթի և սպորտի հանրապետական պալատի անդամների բողոքի ակցիան Կառավարության դիմաց. ՏԵՍԱՆՅՈՒԹ
Հասարակություն
29.04.2019 | 13:18
Արդեն երեք տարի է պայքարում ենք։ Պետությունը մեր մեջքին չի կանգնում։ Այս մասին Կառավարության շենքի դիմաց բողոքի ակցիայի ընթացքում նշեց Խուլերի մշակույթի և սպորտի հանրապետական պալատի անդամ Իգոր Հովսեփյանը։
Նրա խոսքով՝ պայքարում են անօրինական նախագահի դեմ․ «Մենք 300-400 հոգով նոր նախագահ ենք ընտրել։ Գործող նախագահը ներկայացել է պետական ռեգիստր, որտեղ հաստատել են, շնորհավորել։ Տասը օր հետո պարզվել է, որ նախկին նախագահը նույնպես պետական ռեգիստր է ներկայացել ու նրան նախագահի պաշտոնում նույնպես հաստատել են։ Մի կազմակերպությունում երկու նախագահ չի լինում»։
Իգոր Հովսեփյանը նշեց, որ ապրիլի 28-ի՝ լույս 29-ի գիշերը նախկին տնօրենի մարդիկ ներխուժել են պալատ, դուռը կոտրել, պահակի վրա հարձակում գործել և գույքը թալանել։
Խուլերի մշակույթի և սպորտի հանրապետական պալատի պահակ Առաքելյան Սլավիկն ու նախկին տնօրեն Մարինե Հարությունյանը, պալատի անդամ Իգոր Հովսեփյանի խոսքով, գտնվում են Ոստիկանությունում։
Խուլերի մշակույթի և սպորտի հանրապետական պալատի անդամների բողոքը կառավարությունում լսեց քաղաքացիների ընդունելության և դիմումների քննարկման վարչության աշխատակից Հայկ Սիմոնյանը։
Քննարկման արդյունքում ձեռք բերվեց պայմանավորվածություն այն մասին, որ մոտակա օրերին կառավարություն ներկայացնեն ապացուցող փաստաթղթերը։
Մանրամասները՝ տեսանյութում:
Նելլի Մելքոնյան
