10.09.2026 | 19:15
Առուշ Առուշանյանը Գորիսի ընտրություններում ՔՊ-ի թեկնածուն է
Շիրակի մարզպետը 2մլն 362 հազար 130 դրամի պարգևատրումներ է արել
Քաղաքականություն
29.04.2019 | 12:47
Շիրակի մարզպետ Տիգրան Պետրոսյանը ապրիլի 19-ին պարգևատրել է մարզպետարանի աշխատակիցներին։ Այս մասին տեղեկանում ենք Շիրակի մարզպետարանի պաշտոնական կայք էջից։
Կարգադրության մեջ նշվում է, որ մարզպետը առաջնորդվել է «Քաղաքացիական ծառայության մասին ՀՀ օրենքի 16-րդ հոդվածի առաջին մասով, «Հանրային ծառայության մասին» Հայաստանի Հանրապետության օրենքի 9-րդ հոդվածի 17-րդ մասով, «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» Հայաստանի Հանրապետության օրենքի 6-րդ հոդվածի 6-րդ մասով և 22-րդ հոդվածի 9-րդ, 10-րդ մասերով և որոշել է մարզպետարանի «Պարգևատրումներ, դրամական խրախուսումներ և հատուկ վճարներ» հոդվածով նախատեսված միջոցների հաշվին հատուկ առաջադրանքները և աշխատանքային պարտականությունները բարեխիղճ կատարելու համար պարգևատրել աշխատակիցներին։
12 աշխատակից է պարգևատրվել, որոնք հիմնականում վարչության պետեր են։ Ամենամեծ պարգևավճարը՝ 307 հազար 384 դրամ, ստացել է փոխմարզպետ Վարդան Գրիգորյանը։ Իսկ ահա մարզպետ Տիգրան Պետրոսյանի անունը բացակայում է պարգևատրվածների ցուցակից։ Ընդհանուր առմամբ ծախսվել է 2մլն 362 հազար 130 դրամ։
Էմմա Չոբանյան
