16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
«Սպայկա» ընկերության տնօրենը դատարանում է. նիստը շարունակվում է
29.04.2019 | 12:12
Վերաքննիչ քրեական դատարանում այսօր շարունակվում է «Սպայկա» ընկերության սեփականատեր և տնօրեն Դավիթ Ղազարյանի պաշտպանների բերած բողոքի քննությունը՝ Առաջին ատյանի դատարանի որոշման դեմ:
Մենք տեղեկացանք, որ նիստին մասնակցում է նաև Դավիթ Ղազարյանը:
Նշենք, որ նախորդ նիստին պաշտպանները բողոքը ներկայացրել էին մասամբ, իսկ այսօր շարունակելու են ներկայացնել:
Հիշեցնենք, որ առանձնապես խոշոր չափերով հարկերը չվճարելու դեպքի կապակցությամբ հարուցված քրեական գործի շրջանակներում 2019թ. ապրիլի 4-ին Ղազարյանին մեղադրանք է առաջադրվել ՀՀ քրեական օրենսգրքի 205-րդ հոդվածի 2-րդ մասի (առանձնապես խոշոր չափերով hարկ, տուրք կամ պարտադիր այլ վճար չվճարելը) հատկանիշներով։ Ըստ ՊԵԿ հաղորդագրության՝ «Սպայկա» ընկերությունը պետական բյուջե չի վճարել ընկերության կողմից իրականացված ձեռնարկատիրական գործունեության արդյունքում առաջացած 7 036 666 312 ՀՀ դրամ մաքսատուրք և հարկ:
Լիլիթ Շաբոյան
