03.09.2026 | 13:04
Վրեժ Մխիթարյանն ազատվել է ՊԵԿ նախագահի առաջին տեղակալի պաշտոնից և նշանակվել ՊԵԿ նախագահի տեղակալ
Հայկ Մարությանն ընդունել է Service Quality Institute–ի նախագահ Ջոն Շոուլին, վերջինս դիտարկումներ է արել երևանյան սպասարկման հաստատությունների վերաբերյալ
Քաղաքականություն
26.04.2019 | 19:25
Երևանի քաղաքապետ Հայկ Մարությանն ընդունել է սպասարկման մշակույթի առաջատար մասնագետ, ամերիկյան Service Quality Institute ընկերության հիմնադիր և նախագահ Ջոն Շոուլին: Այս մասին Երևանի քաղաքապետարանի լրատվական ծառայության տարածած հաղորդագրության մեջ ասված է․
«Ողջունելով հյուրին՝ քաղաքապետը գոհունակությամբ նշել է, որ նման բարձրակարգ մասնագետի այցը, վստահաբար, կնպաստի Հայաստանում և, մասնավորապես, Երևանում սպասարկման որակի բարելավմանը, ինչն իր հերթին ավելի շատ ներդրողների և զբոսաշրջիկների ուշադրությունը կհրավիրի մայրաքաղաքի վրա:
Իր հերթին Ջոն Շոուլը մի քանի դիտարկում է արել Երևանում գործող սպասարկման հաստատությունների առավելությունների ու խնդիրների վերաբերյալ:
Զրուցակիցները համաձայնել են մտքին, որ հանրային կառավարումը ևս սպասարկման մի տեսակ է, որը պետք է բարձր մակարդակի պահել՝ լավ արդյունքների հասնելու համար»:
