31.10.2026 | 22:55
Հայտնաբերվել է զինծառայողի դի. ՊՆ
Իր ունեցվածքի մասին հաշվետու լինել չցանկացող ՊՎԾ պետի տեղակալի կինը ևս միլիոնատեր է
Հասարակություն
25.04.2019 | 19:02
Այսօր գրել էինք, որ ՊՎԾ պետի 28-ամյա տեղակալ Արգիշտի Քյարամյանը հայտարարագրել է 32 միլիոն դրամ, 48 հազար ամերիկյան դոլար, երկու առանձնատուն, չորս հողամաս, հողամասին ամրացված անշարժ գույք և ավտոտնակ:
Այս պաշտոնյայի հայտարարագրում առկա են նաև ութ միլիոն դրամը գերազանցող զարդեր: Կառավարության նիստից հետո Քյարամյանը մեր հարցերին ի պատասխան չցանկացավ պարզաբանել, թե ինչպես է ձեռք բերել այդ կարողությունը:
«Ես կարծում եմ, որ էթիկայի տեսանկյունից ճիշտ չէ քննարկել որևէ մեկի ունեցվածքը: Ես զբաղեցրել եմ տարբեր պաշտոններ, աշխատել եմ տարբեր ուժային կառույցներում, պաշտոնապես հայտարարում եմ, որ երբևէ որևէ կոռուպցիոն, սկանդալային և կլանային համակարգերում չեմ եղել, ոչ էլ բիզնեսով եմ զբաղվել: Ես կոռեկտ չեմ համարում իմ ունեցվածքն այս համատեքստում քննարկել: Ես չեմ փորձում պարզաբանել, ինչը ասեցի, բավարար էր: Ես հաշվետու չեմ»,- ասաց նա:
Ի դեպ, Արգիշտի Քյարամյանի կինը՝ Ռուզաննա Քյարամյանը, ևս պատկառելի ունեցվածքի տեր է: Նրա հայտարարագրում առկա են ոսկյա, ադամանդե և այլ ազնիվ մետաղներից ու թանկարժեք քարերից պատրաստված զարդեր, որոնց ընդհանուր արժեքը 10 հազար դոլար է: Ռուզաննա Խաչատրյանն ամուսնու նման ևս միլիոններ ունի: Նա հայտարարագրել է 26 մլն դրամ և 46 հազար ամերիկյան դոլար: 4000 դոլարի էլ փոխառություն ունի:
Նարեկ Կիրակոսյան
