12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Պետական առաքելություն է աջակցել Լևոն Արոնյանին․ ունևորներին միջնորդելու նախկին մեխանիզմը Կառավարությունը մերժում է․ ՏԵՍԱՆՅՈՒԹ
Քաղաքականություն
25.04.2019 | 12:28
Կառավարությունն ապրիլի 25-ի նիստում սպորտի և երիտասարդության հարցերի նախարարությանը հատկացրեց 133 հազար 200 ԱՄՆ դոլարին համարժեք դրամ, որպեսզի ապահովի հայտնի շախմատիստ Լևոն Արոնյանի՝ 2019 թվականի շախմատի աշխարհի առաջնությանը նախապատրաստման և մասնակցության աշխատանքները:
Նախարարի պարտականությունները կատարող Գաբրիել Ղազարյանը նշեց, որ առաջին անգամ է, որ այս նպատակով պետությունից այս չափի աջակցություն է հատկացվում այդ նպատակի համար։
Վարչապետ Փաշինյանը նշեց,որ նախկինում մարզական առաքելությունների համար գումարներ հատկացնելու որոշումը կայացվում էր որոշ մարդկանց զանգերով, իսկ ներկայիս կառավարությունը պետական առաքելություն է համարում այդ գումարի տրամադրումը։
«Նախկինում այս կարգի հարցերը լուծվել է զանգերի միջոցով, միջնորդություններ է եղել ունևոր անձանց, և ես կարծում եմ, որ դա վատ մեխանիզմ է։ Մեր դիրքորոշումը հետևյալն է՝ պետական առաքելություն է աջակցել, օրինակ, Լևոն Արոնյանին։ Մեր հիմնական խնդիրն է, որ մարդիկ հավատան իրենց ուժերին ու հետևաբար և՛ Լևոն Արոնյանը, և՛ Արթուր Ալեքսանյանը, և՛ Հենրիկ Մխիթարյանը մեր երիտասարդության համար պետք է լինեն այն մարդիկ, որոնց օրինակով մեր երիտասարդությունը պետք է դաստիարակվի։ Մեր երիտասարդները նաև նրանց օրինակով պետք է հավատան իրենց ուժերին։ Նրանք սովորական հայաստանցի տղաներ են, որոնք իրենց աշխատանքով հասել են համաշխարհային պատմական բարձունքների և մեր պետական քաղաքականությունն է աջակցել նրանց»,- ասաց վարչապետը։
Մանրամասները՝ տեսանյութում։
Աղավնի Սուքիասյան
