17.05.2026 | 12:40
ՄԻՊ-ը խիստ մտահոգիչ է համարում «Նուբարաշենի» հոգեբուժարանում արձանագրված ինքնասպանության դեպքը
Ցեղասպանությունների ճանաչումն աշխարհին է պետք. Հայկ Մարության. ՏԵՍԱՆՅՈՒԹ
Հասարակություն
24.04.2019 | 13:17
«Սա մեր հայոց պատմության ամենաողբերգական էջերից մեկն է, բայց այստեղից մենք պետք է դասեր քաղենք: Ամենակարևոր դասը, որ մենք պետք է քաղենք այն է, որ միշտ լինենք ուժեղ, մեր հույսը դնենք մեզ վրա»,- այս մասին այսօր Ծիծեռնակաբերդի հուշահամալիրում լրագրողների հետ զրույցում ասաց Երևանի քաղաքապետ Հայկ Մարությանը:
Լրագրողի հարցին՝ քաղաքային իշխանությունն անելո՞ւ է ամեն ինչ, որպեսզի հուշահամալիրը միշտ պատրաստ լինի այցելուներին ընդունել, քաղաքապետն ասաց, որ այո:
«Քաղաքային իշխանություններն անում են ամեն ինչ, որ ոչ միայն այս, այլ բոլոր հուշահամալիրները լինեն պատշաճ վիճակում, իսկ միջոցառումներն էլ որակով կազմակերպվեն»,- շարունակեց Մարությանը:
Ըստ նրա՝ ցեղասպանությունների ճանաչումն աշխարհին է պետք, որպեսզի դրանք այլևս չկրկնվեն:
Մանրամասները՝ տեսանյութում:
