Այսօր երեկոյան Ազատության հրապարակից մեկնարկեց ՀՅԴ Հայաստանի Երիտասարդական և «Նիկոլ Աղբալյան» ուսանողական միությունների նախաձեռնած ջահերով ավանդական երթը:
Այն այս տարի անցկացվում է «Ամբողջական և արդար հատուցում» կարգախոսով:
Նախքան ջահերթով երթի մեկնարկը ավանդաբար այրցվեց Թուրքիայի Հանրապետության պետական դրոշը:
Հիշեցնենք, որ Հայաստանի 18 համայնքում, այդ թվում` Երևանում, Ստեփանակերտում, Սպիտակում, Գյումրիում, Իջևանում, Վերին Կարմիրաղբյուրում և այլն, գրեթե միաժամանակ մեկնարկել և անցկացվում են ջահերով երթեր:
