02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
Բնավ համարժեք չէ Հրաչյա Հարությունյանի հետ Պերմյակովի փոխանակումը․ Միքայել եպիսկոպոս Աջապահյան
08.05.2017 | 18:51
Շիրակի թեմի առաջնորդ Միքայել եպիսկոպոս Աջապահյանն այսօր լրագրողների հետ զրույցում տեսակետ է հայտնել, որ Պերմյակովի միակողմանի արտահանձնման դեպքում խնդիր է տեսնում։
«Գուցե փոխանակում է, բայց փոխանակման դեպքում էլ ես կողմ կլինեի, որ համարժեք լիներ»,- ասել է Աջապահյանը:
Հիշեցնենք, որ ռուսական մամուլը գրել էր, Գյումրիում Ավետիսյանների ընտանիքի 7 անդամի սպանության համար ցմահ ազատազրկված Վալերի Պերմյակովը պատիժը կկրի ՌԴ-ում: Իսկ ՀՀ արդարադատության նախարարությունը հայտարարություն էր տարածել, թե Պերմյակովի պատժի կրման հարցով քննարկումները դեռ շարունակվում են:
Լրագրողներից մեկի հարցին, թե նկատի ունի Հրաչյա Հարությունյանի հետ փոխանակումը, Աջապահյանը պատասխանել է, որ ոչ․ «Բնավ համարժեք չէ հենց Հրաչյա Հարությունյանի հետ փոխանակումը: Այն դեպքում դժբախտ պատահար էր, իսկ սա դժբախտ պատահար չէ»։
«Ռուսական բանտերում մեծ թվով հայաստանցիներ կան, կարելի էր մի լուրջ թվաքանակ հայաստանցիների հետ փոխանակել»,- կարծիք է հայտնել Շիրակի թեմի առաջնորդը:
