03.09.2026 | 14:44
Ռուբեն Ռուբինյանն ընդունել է ՀՀ-ում Եգիպտոսի դեսպան Ամալ Աֆիֆիին
5 հայտնի երգիչներ իրենց եկամուտների հաշվարկը ներկայացրել են, նրանց վերջին շանսն ավարտվել է. Դավիթ Անանյան. ՏԵՍԱՆՅՈՒԹ
Տնտեսություն
23.04.2019 | 18:07
Հինգ հայտնի երգիչ-երգչուհիներ իրենց եկամուտների մասին ամփոփ տեղեկություններ են ներկայացրել, նրանց մինչեւ ապրիլի 22-ը վերջնաժամկետ էր տրվել: Այս մասին Պետական եկամուտների կոմիտեում Factor.am-ի հետ զրույցում ասաց կոմիտեի ղեկավար Դավիթ Անանյանը:
«Այս պահին անուններ չեմ տա, քանի որ հինգից մի քանիսինը դեռ ներկայացման փուլում է: Մինչև շաբաթվա վերջ մենք կներկայացնենք իրենց անունները»,- ասաց նա:
Ինչ վերաբերում է մյուս երգիչ-երգչուհիներին, որոնք չեն ցանկանա հարկ վճարել, Դավիթ Անանյանն ասաց՝ կշարունակեն համոզել, խնդրել: Հարցին՝ կոշտ մեթոդներ կիրառվելո՞ւ են, մասնավորապես՝ խուզարկություններ աստղերի ստուդիաներում, բնակարաններում, Անանյանն արձագանքեց. «Ինտերակտի՞վ եք ուզում մեր կյանքը դարձնել: Կարող են այդպիսի բաներ կիրառվել, բայց ծայրահեղ դեպքում, որ մի քանի ամսվա աշխատանքային արդյունքները բերենք այդպիսի քննչական գործողությունների նպատակահարմարության»,- ասաց նա:
Մանրամասները՝ տեսանյութում:
Նարեկ Կիրակոսյան
