14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
950 հազար ԱՄՆ դոլար, 112 մլն դրամ ու թանկարժեք ժամացույցներ․ ի՞նչ ունեցվածք ունի Կենտրոնի թաղապետ Վիկտոր Մնացականյանը
Հասարակություն
23.04.2019 | 14:23
Երևանի Կենտրոն վարչական շրջանի ղեկավար Վիկտոր Մնացականյանը Բարձրաստիճան պաշտոնատար անձանց էթիկայի հանձնաժողով է ներկայացրել երկու հայտարարագիր՝ տարեկան և պաշտոնը ստանձնելու օրվա դրությամբ։
Մնացականյանը պաշտոնը ստանձնելու դրությամբ՝ 22․10․2018թ., հայտարարագրել է 1 բնակարան՝ բնակելի շենքում, երկու անհատական հողամաս և 1 հողին ամրակայված անշարժ գույք, 1 մարդատար տրանսպորտային միջոց և 8 մլն դրամը գերազանցող ժամացույցների հավաքածու։ Կենտրոն վարչական շրջանի ղեկավարի դրամական միջոցները պաշտոնը ստանձնելու օրվա դրությամբ կազմել է 950 հազար ԱՄՆ դոլար և 112 մլն ՀՀ դրամ, իսկ որպես աշխատավարձ՝ 713,906 հազար դրամ։
Պաշտոնը ստանձնելու օրվա դրությամբ Մնացականյանը նաև հայտարարագրել է 151 հազար դրամի բաժնեմաս, 2 մլն դրամի փոխառություն։
Կենտրոն վարչական շրջանի ղեկավարի տարեկան հայտարարագրում հայտարարագրված է տրանսպորտային երկու միջոց՝ յուրաքանչյուրը 40 հազար ԱՄՆ դոլար արժողությամբ։
Պաշտոնյան հարկային տարում ձեռք է բերել 45 հազար ՀՀ դրամի բաժնեմաս։ Կենտրոն վարչական շրջանի ղեկավարի հարկային տարում հանձնած կամ վերադարձած փոխառությունները կազմել են 2 մլն դրամ։
Մնացականյանը թանկարժեք իրեր չի հայտարարագրել, փոխարենը ներկայացրել է իր դրամական միջոցների չափը 990 հազար ԱՄՆ դոլար և 112 մլն ՀՀ դրամ։
Որպես եկամտի միակ աղբյուր էլ Մնացականյանը ներկայացրել է աշխատավարձից ստացած եկամտի չափը՝ 1 մլն 675 հազար 770 դրամ։
Աղավնի Սուքիասյան
