06.08.2026 | 20:10
Picsart-ի հիմնադիր Հովհաննես Ավոյանը պարգևատրվել է «Հայրենիքին մատուցած ծառայությունների համար» 2-րդ աստիճանի շքանշանով
ԱԺ-ն քննարկում է Մարտի 1-ի ժամանակ վնասվածքներ ստացած քաղաքացիներին աջակցություն տրամադրելու կարգը․ ՏԵՍԱՆՅՈՒԹ
Քաղաքականություն
22.04.2019 | 12:44
Ազգային ժողովում քննարկվում է ԱԺ փոխնախագահներ՝ Լենա Նազարյանի և Ալեն Սիմոնյանի ներկայացրած «2008 թվականի մարտի 1-ից 2-ը Երևան քաղաքում տեղի ունեցած իրադարձությունների ժամանակ տուժած անձանց աջակցության մասին» օրենքի նախագիծը։
Նախագծի նպատակն է 2008 թվականի մարտի 1-2-ին տեղի ունեցած իրադարձություններից 11 տարի անց պատշաճ ուշադրության արժանացնել տարիներ շարունակ անտեսված և հարազատների կորստից հետո մինչ օրս սոցիալական, առողջական, հոգեբանական խոր խնդիրների առաջ կանգնած զոհված (մահացած) անձանց ընտանիքներին և առողջությանը վնաս կրած անձանց:
ԱԺ «Լուսավոր Հայաստան» խմբակցության պատգամավոր Գևորգ Գորգիսյանը նախագծի հեղինակներից Լենա Նազարյանից հետաքրքրվեց՝ ի՞նչ կարգի փոխհատուցման մասին է խոսքը։
Ի պատասխան Լենա Նազարյանը նշեց, որ աջակցության տրամադրման ձևը կարող է լինել ոչ միայն ֆինանսական: Աջակցության տրամադրման կարգը դեռ հայտնի չէ, և այս հարցով Կառավարությունում կսկսվեն քննարկումներ։
Նշենք, որ այս նախագծով աջակցություն չեն ստանա այն անձինք, որոնք չունեն մարտիմեկյան իրադարձությունների ժամանակ ստացած ծանր կամ միջին ծանրության վերաբերյալ դատաբժշկական փորձաքննության եզրակացություն։
Մանրամասները՝ տեսանյութում։
Աղավնի Սուքիասյան
