16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
ԱԺ-ն քննարկում է թրաֆիքինգի զոհերի համար նախատեսված աջակցության տրամադրման կարգը․ փոփոխություն է առաջարկվում օրենքում․ ՏԵՍԱՆՅՈՒԹ
Քաղաքականություն
22.04.2019 | 10:45
Ազգային ժողովի ապրիլի 22-ի նիստում քննարկվում է Կառավարության ներկայացրած «Մարդկանց թրաֆիքինգի և շահագործման ենթարկված անձանց նույնացման և աջակցության մասին» Հայաստանի Հանրապետության օրենքում փոփոխություններ և լրացումներ կատարելու մասին նախագիծը։
Նախագծի հիմնական զեկուցողն է աշխատանքի և սոցիալական հարցերի նախարարի տեղական Գեմաֆին Գասպարյանը։
Նախագծով առաջարկված փոփոխություններն ու լրացումները առնչվում են մարդկանց թրաֆիքինգի և շահագործման դեմ պայքարի բնագավառում նոր մեխանիզմների ներդրման, պետական և տարածքային կառավարման, տեղական ինքնակառավարման մարմինների միջև հարաբերությունների կարգավորման, առկա կառուցակարգերի ամրապնդման հարցերին:
Փոփոխությունները ոչ միայն կնպաստեն մարդկանց թրաֆիքինգի և շահագործման դեմ պայքարի բնագավառում օրենսդրության կատարելագործմանը, այլև կբարձրացնեն հարակից ոլորտների օրենսդրության և օրենքների կիրառման արդյունավետությունը, կսահմանեն համագործակցության հստակ շրջանակ՝ զոհերի, այդ թվում երեխա զոհերի հայտնաբերման, նույնացման, աջակցության ու պաշտպանությանն ուղղված միջոցառումներն արագ և արդյունավետ կազմակերպելու համար:
Նախագծի ընդունումը հիմք կստեղծի թրաֆիքինգի դեմ պայքարում համագործակցության նոր հարաբերությունների ձևավորման, համագործակցության շրջանակի ընդլայնմանն ու աջակցության բարելավմանը, ինչպես նաև մարդկանց թրաֆիքինգի և շահագործման ենթարկված երեխաների ուղղորդման գորընթացը սահմանելու համար: Արդյունքում կներդրվեն նոր մեխանիզմներ ու կկատարելագործվեն ընթացակարգերը, կհստակեցվեն փոխգործակցության հետ կապված ժամկետները, կստեղծվեն գործակցային նոր հնարավորություններ, կամրապնդվի միջգերատեսչական ու բազմամասնագիտական համագործակցությունը:
Առաջարկվող փոփոխություններով սահմանվում է թրաֆիքինգի հավանական զոհերի, զոհերին և հատուկ կատեգորիայի զոհերին օրենքով նախատեսված աջակցության տրամադրման կարգը և չափը։
Մանրամասները՝ տեսանյութում։
Աղավնի Սուքիասյան
